Un homme armé et transportant des produits stupéfiants interpellé à Ajaccio
Via un cumunicatu di stampa, hà fattu sapè u pracuratori lla ripublica d’Aiacciu chì, « u primu di marzu, i sirvizia lla brigata anticriminalità di u cumissariatu d’Aiacciu ani intarpillatu, à nantu à a « Rocade », à a isciuta di u magazenu Leclerc, una parsona ch’avia fattu una infrazzioni stradali. Mentri issu cuntrollu, si hè trovu chì a parsona era in pussessu d’una pistola Glock 45 cù tredici cartucci, è d’un pugnu americanu. In a so busgiacca, c’erani vinti bucciuleddi di cucaina è arba di canapu ».
« Missa in guardia à vista, a parsona di circa trenta anni hà ricunnisciutu u pussessu è u trasportu di droghi par renda sirviziu à un amicu, ma senza palisà ni u nomu », spieca u pracuratori Nicolas Septe, pricisendu chì « vista a gravità di i fatti è u putinziali piriculu purtatu da issa parsona, cunnisciuta aghjà da a ghjustizia parvia d’una cundanna par assassiniu in u 2015, l’omu hè statu prisintatu issu ghjornu à a pracura par cumpariscia subitu, marti u 5 di marzu à un’ora è mezu. Hè statu imprighjunatu intantu d’essa ghjudicatu ».
« L’omu hà da essa prucissata à mutivu di trasportu è ditinzioni di droga è d’armi di catiguria D è B », dici in chjudenda u prucuratori.
Sur le même sujet
