Un enfant disparaît puis réapparaît à Pietracorbara
(A redazzioni d'Alta Frequenza) - Più paura cà altru affari pà un zitellu d'11 anni, arisera (marti) in Corsica Suprana. Versu 21 ori è 55, s'hè fatta sapè a nutizia chì ammintava a sparizioni di u zitellu nant'à a cumuna di Petracurbara. Subbitu dopu, mezi di ricerca è di succorsi impurtantissimi sò stati mubilizati : spinghjifochi di Siscu, Luri, Bastia è Lucciana, securità civili, ciuttadori, squadri di pulizzeri cù ghjacari, camerà termichi eppo una grandi mubilisazioni di a pupulazioni. In fini, u masciu hè statu ritrovu sopra à u paesi, duva ellu s'era persu. Suffrendu solu di calchì sfrisgiatura, hà ritrovu i soi ind'a sirata. In fatti, era partitu cù dui amichi, è s'era persu. Hè a parsona chì era incaricata di i zitelli chì avia chjamatu i succorsi dopu chì unu d'elli ùn sighi micca vultatu. Ancu di grazia, l'affari si sò bè compii.
Sur le même sujet
