Un débat transpartisan sur le Foncier aux Ghjurnate Internaziunale

Hà avvintu, è bè, i chistioni di a spiculazioni è di u spussessu, u dibattitu di i Ghjurnati Internaziunali.

Animatu da Jean-Guy Talamoni, ci si truvaiani à torru à l’eletti di Nazioni, i riprisintanti agriculi com’è Battì Arena - anzianu cunsiglieri tarrituriali Cori in Fronti è prisidenti attuali di a camara d’agricultura -, Pierre Savelli, u merri Femu a Corsica di Bastia, Pierre Poli, u cunsiglieri tarrituriali Avanzemu è merri d’Eccica è Suaredda.
Di dritta o di manca, da culandi à issa riprisintazioni naziunalista, uni beddi pochi d’eletti ani accitatu a invitazioni di Nazioni.

U diputatu LR François-Xavier Ceccoli, u merri di Bonifaziu o ancu quiddu di a Pitrusedda erani in tribuna in Corti, sabbatu.

Jean-Baptise Filippi, u merri di u Mucale, si hè dittu beddu allegru d’avè vintu u so puntu contru à i sirvizia di u statu è u duminiu, issendu statu auturizatu à venda, à lotti, un tarrenu cumunali à 44€ u metru quadratu.
Una battaglia vinta gramazia à u sustegnu di a Cullittività di Corsica.

Una sfida vinta è a fiertà di pudè prupona à i ghjovani di u paesu è di i circonda a pussibilità d’allughjà si, senza ch’iddi sichini scacciati da a putenza di u soldu. 

Hè statu chivi un cumbattu à liveddu cumunali è una lutta d’ugni ghjornu, com’idda a spieca Jean-Baptiste Filippi, chì, parla ancu di u statutu di risidenti chì pari alluntanà si da a legi urganica à vena pà u statutu d’autunumia.

Stemu lu à senta.

Pà u merri di Bonifaziu, issa quistioni di a risidenza è di l’accessu à u fundariu hè di gran’primura. Jean-Charles Orsucci hà ridifinitu u PLU à vena di a cumuna, chì ùn faci più piazza à a custruzzioni di risidenzi sicundarii.
Ma pà u merri, ci vurria ancu chì a legi ponga una diffarenza trà risidenza sicundaria è casa patrimuniali.

Dici Jean-Charles Orsucci ch’iddu ci vurria à piddà misuri da pruteghja l’abitatu pirmanenti, è dunqua i loca di vita.
Steti lu à senta.

U diputatu lla siocnda circuscrizzioni di u Cismonti si hè intarissatu ancu iddu à issa quistioni di u fundariu. Una quistioni chì dumanda à veru un intaressu puliticu, da permetta à a ghjuvantù di truvà alloghju à nantu à u so tarritoriu, par indittu cù unu statutu di risidenza.
Oghji, hà dittu François-Xavier Ceccoli, i merri agiscini da mantena un equilibriu ch’idd’ùn hà sappiutu truvà a cullittività di Corsica.
Steti lu à senta.