Un débat de lycéens autour des relations intergénérationnelles
(A redazzioni d'Alta Frequenza) - Ind'u quadru di l'8u Foru Adulescenzi à l'iniziativa di a Fundazioni Pfizer pà a saluta è u benistà di u zitellu è di l'adulescenti, l'Accademia di Corsica, com'è ottu altri Accademii di Francia metrupulitana, si mubilizeghja da sinsibulizà i liceani nant'à i rilazioni interghjiniraziunali è i trasmissioni trà parsoni maiò è adulescenti. Un dopu meziornu dibattitu era in fatti urganizatu oghji (marti) à u Liceu Letizia d'Aiacciu, aduniscendu parechji sculari di u stabilimentu, ma dinò altri ghjunti da i Licei Prufessiunali Finusellu è Jules Antonini. Parechji scambii si sò fatti trà issi ghjovani ma dinò cù numarosi animatori o insignanti. U scopu di issi dibattiti: accumpagnà iss'adulescenti quì fin'è u Foru naziunali, à u mesi d'aprili in Parighji, duva i portavoci pudarani fà spuntà i so idei davanti à quilli di i psicolochi, suciolochi, pedopsichiatri di rinonima, ma ancu simplici attori di a sucità civili. Un appuntamentu chì parmittarà di fà ricullà à gallu pruposti cuncreti da risponda à i bisogni è i dumandi di i ghjovani.
Écoutez Noël Mariot, proviseur du LEP Jules Antonini, mais également référent au Forum Adolescences pour l’Académie de Corse.
