Un corps sans vie découvert dans le Valinco à bord d'un bateau échoué
(A ridazzioni d'Alta Frequenza) - Hè statu trovu, marcuri, un battellu arrinatu vicinu à u Puntonu di Campumoru, in u Vaddincu. Sò marchjadori chì l’ani vistu, è chì ani avirtitu i succorsa. Ghjunti supr’à locu, a SNSM è a ciandarmaria ani scupartu a salma d’un omu d’una sissantina d’anni, appiccata à u battellu. Saria partitu, sò parichji ghjorna, da Port Saint Louis du Rhône. À primu veda, l’omu saria cascatu da u battellu, è, appiccatu à una corda, saria statu strascinatu cussì, parichji cintunari di chilomitra. Saria mortu l’omu chì sò uni beddi pochi di ghjorna. A ciandarmariia faci un’inchiesta, da cunnoscia ni i circustanzi. I mezi ghjunti supr’à locu erani numarosi : SNSM, ciandarmaria, Sicurità civili è affari marittimi.
Sur le même sujet
