Un colloque sur le photojournalisme les 22 et 23 octobre prochains à Corte
(A redazzioni d'Alta Frequenza) - U CRDP di Corsica è u Centru Mediterraneu di a Fotograffia urganizeghjani, in cullaburazioni cù u Centru di Leia di l'Insignamentu è di i Media d'Infurmazioni (CLEMI), un cullocchiu nant'à u fotoghjurnalisimu à u XXIu seculu, i 22 è 23 d'uttrovi in Corti. À u prugramma di issa 7a edizioni, cunfarenzi, aduniti è attelli animati da reporters fotograffi di rinonima internaziunali, prufessiunali di u fotoghjurnalisimu è spicialisti di l'Educazioni à i media. Dedicatu à l'insignanti, à l'universitarii è à i studienti di l'Accademia di Corsica o ancu aldilà, issu cullocchiu t'hà par scopu d'incuragiscia l'educazioni à a fiura, à traversu azzioni d'animazioni è di furmazioni, pà capiscia dopu a piazza di a fotograffia di stampa ind'i ghjovani. Prughjetti d'insignamenti pudarani dunqua custruiscia si dopu à issi scontri, inghjiru à issu tema intarissanti, ind'una sucità cuntempuranea duva a maghjina, frà altru ind'i media, t'hà un postu veramenti di primura.
Écoutez Marie-Laure Marquelet, chef de projet au Centre Régional de Documentation Pédagogique de Corse.
Sur le même sujet
