Le Direct

Un cas de fièvre catarrhale ovine (FCO) à sérotype 4 détecté en Corse-du-Sud

(A redazzioni d'Alta Frequenza) - In un cumunicatu ghjuntu in a nostra redazzioni, a Prifittura di Corsica faci sapè chì "u laburatoriu naziunali di rifarenza di l'Agenza naziunali di securità sanitaria (ANSES) hà cunfirmatu risultati pusitivi di frebba catarrali pecurina (FCO) nant'à trè pecuri d'una banda in Bunifaziu". "Ssi prilevamenti sò stati rializati dopu à un suspettu clinicu postu da u veterinariu sanitariu di a spluttazioni in u quadru di a cura fattuali di a malatia. A direzzioni dipartimintali di a cuesioni suciali è di a prutezzioni di i pupulazioni (DDCSPP) hà dighjà missu in ballu misuri pà privena a sparghjera di a malatia : l'allevu hè inquadratu d'una manera più forti è i muvimenti d'animali sò stati bluccati nentru a spluttazioni". Infini, a Prifittura faci sapè chì "i perditi di pruduzzioni è i murtalità pudariani essa indennizati da mezi naziunali agriculi di mutualisazioni sanitaria è ambientali (FMSE) pà l'allivadori chì facini parti di a sizzioni spicializata Ruminanti di ssu fondu dipoi più d'un annu, chì sò à ghjornu di i so cutisazioni è chì ani suddisfatu à i so ubligazioni rigulamentarii, com'è quilla di fà vaccinà l'animali di i spezii sinsibuli".