Un camion citerne de lutte contre les feux de forêt se renverse sur la RN 200
(A redazzioni d'Alta Frequenza) - Un camiò pà luttà contr'à i fochi di furesta s'hè rinvirsciatu oghji (marti) versu un'ora è mezu u dopu meziornu nant'à a strada naziunali 200, nant'à a cumuna di Pancheraccia, à u locu dittu Vaccaghja. U veiculu duvia andà nant'à a piaghja urientali pà intarvena nant'à un focu. Quattru parsoni, trà 20 è 33 anni, trè omi è una donna, membri di a sizzioni militari integrata, ghjunti à aiutà pà l'istati i membri di a Securità Civili di Corti, sò stati feriti, frà i quali dui di manera seria. Certi sò stati scarcerati da u camiò. Sò stati tutti traspurtati à l'uspidali di Bastia Falcunaghja: dui in ambulanza, una cù l'elicotteru di a gendarmeria è l'ultima cù quillu di a Securità Civili.
Sur le même sujet
