Ubérisation : les professionnels sont contre
(A redazzioni d'Alta Frequenza) - A Direccte di Corsica, Pôle Emploi è l'ADEC, l'agenza di sviluppu ecunomicu di a Corsica ani signatu calchì ghjornu fà un pattu impiegu, una piattaforma pà metta in sinergia i trè strutturi pà pudè assicurà un'adattazioni più bona di l'azzioni à i rialtà di u marcatu di l'impiegu. Ci voli à sapè chì ci sò par avà 34 misuri sfarenti in materia d'impiegu è u fattu di passà pà una struttura cumuna hà da parmetta dunqua d'uttimizà l'azzioni. Aldilà di què, ci voli à riveda tuttu da cima in fondu cuncirnendu l'ecunumia corsa, quilla di u turisimu in particulari. Bisognu à ramintà chì oghji, più d'80% di l'alloghji turistichi sò inde stutturi micca marcanti, à u neru a maiò parti di u tempu, ciò chì porta l'ecunumia turistica ver di una vera "uberisazioni".
Steti à senta à Jean Marc Ettori, chì hè in carica di un gruppu turisticu impurtanti.
Sur le même sujet
