U Rinnovu Naziunale a effectué sa rentrée politique
(A redazzioni d'Alta Frequenza) - Ssu sabbatu, U Rinnovu Naziunale hà fattu a so riintrata pulitica. L'uccasioni di sprima si nant'à u votu cuncirnendu a riforma istituziunali à a fin di sittembri à l'Assemblea di Corsica. S'è avanzati sò quì, si feliciteghja u Rinnovu, u prublema attuali di l'assenza di custituziunalità pà i misuri maestri di a riforma facini chì quissa quì ùn pudaria micca sbuccà. Ripighjendu i cunclusioni di u povaru Guy Carcassone annant'à ssu sughjettu, u Rinnovu batti à prò di l'idea di un'evuluzioni più larga di u statutu di a Corsica, chì pà pudè appiecà a riforma sana sana duvaria tandu essa liata à u statutu particulari di i Cullettività ditti "d'Outre-Mer", l'ecchisi DOM-TOM, essendu micca scritta com'è cullettività propia inde l'articulu 72 di a Custituzioni, ma inde l'articuli 73 è 74 rilativi à ssi tarritorii chì ind'u duminiu di u statutu di residenti, par asempiu, poni avè di più libertà d'agiscia. A perspettiva di i municipali hè stata ammintata dinò, cù com'è parolla maestra quilla di fà vincià s'ellu hè pussibuli un candidatu chì veni da a famighja naziunalista ind'u so insemi ind'u numaru u più impurtanti di cità pussibuli.
On écoute Paul-Félix Benedetti.
