Troubles envahissants du développement : une convention pour accompagner la scolarisation
(A redazzioni d'Alta Frequenza) - Signatura ssu marti da mani ind'i casali di a scola primaria San Ghjuvanni d'Aiacciu d'una cunvenzioni trà l'Accademia di Corsica, l'Agenza Regiunali di a Saluta è u Cunsighju dipartimintali di Corsica Suttana. Un ducumentu chì t'hà com'è scopu d'accumpagnà a scularisazioni di i zitelli chì t'ani disturbi impurtanti di u sviluppu, com'è l'autisimu. A Corsica Suttana t'hà 17 scoli spicializati pà a presa in carica di i zitelli in situazioni di handicap. Ognuna t'avarà oramai touch pad numerichi cù un'appiecazioni educativa adattata à i bisogni di i zitelli tocchi da prublemi autistichi. L'insignanti t'avarani pà contu soiu un accumpagnamentu individualizatu è una furmazioni par essa sinsibulizati à i metudi ricenti, grazia par asempiu à automati educativi novi com'è u vechjumarinu Paro, un attrazzu interattivu pà una dimarchja micca liata à i pruprietà di i medicini pà i parsoni tocchi da disturbi di cumpurtamentu o di cumunicazioni.
I spiegazioni di u rettori d'accademia, Philippe Lacombe.
Sur le même sujet
