Trois visites ministérielles en Corse ces deux jours
(A redazzioni d'Alta Frequenza) - Li piaci a Corsica soca à i ministri di u guvernu Macron-Philippe, postu chì trè visiti ministiriali sò privisti nant’à l’isula trà oghji è dumani (ghjovi è vennari). Prima Nicolas Hulot, ministru di a Transizioni eculogica è sulidaria, sarà stamani à deci ori menu un quartu in Palleca par amintà cù l’agenti di l’Uffiziu naziunali di i furesti u travaghju à rializà pà pudè parmetta à i spazi naturali di ricustituisciasi dopu à un focu. À 10 ori, a ministra di i Sulidarità è di a Saluta, Agnès Buzyn, sarà in Bastia, in particulari à l’uspidali di Falcunaghja pà una visita di i sirvizi. Infini u lindumani, Benjamin Grivaux, Secretariu di Statu pà u Ministru di l’Ecunumia è di i Finanzi, hà da visità l’intrapresa di l’Acqua San Ghjorghju.
