Trois personnes interpellées à Bastia en marge d'incidents devant la préfecture de Haute-Corse ce vendredi
Vennari, hè cuminciata cù a calma l’accolta di sustegnu à Yvan Colonna davanti à a prifittura llu Cismonti : una vintina d’eletti municipali è parichji militanti naziunalisti d’ugni sinsibilità aviani fattu una fila di prutizzioni trà i manifistanti è i forzi riprissivi.
I manifistanti si ni sò tinuti à u cantu è à calchì piccula pruvucazioni virbali, innanzi di mova si ni versu 8 ori menu un quartu.
Un quartu d’ora passatu, hè vultatu un picculu gruppu di 20 parsoni, chì hà lampatu parichji affari à nantu à i forzi riprissivi, chì ani rispostu cù i gasi lacrimatoghji.
A prifittura llu Cismonti dici chì, pà a prima volta da quand’iddi sò attaccati i manifistazioni in Bastia, sò stati intarpillati trè parsoni in pussessu di culteddi, strumbuli è fusei, ch’erani difesi da un arrestu prifitturali dipoi a mità lla sittimana.
