Trois personnes décèdent dans le crash d'un avion de tourisme en Balagne
(A redazzioni d'Alta Frequenza) - Crash di un avviò di turisimu ssu sabbatu in principiu di dopu meziornu sopra à Urtaca, in Balagna (Corsica Suprana). Era partutu da Calvi par andà in l'isula d'Elba cù trè parsoni nentru, turisti. S'hè scrasatu esattamenti à 1 300 sopra à u paesi, in Cime Muzella. Dui cadavari sò stati scuparti vicinu à l'avviò versu 5 ori, u terzu nentru à quissu quì guasgi un'ora dopu. Si tratta di dui omi è di una donna. A balisa d'urghjenza di l'avviò s'era accesa dopu à l'inticciu, ciò chì hà parmissu di truvà a zona induva l'avviò pudia essa. Mezi numarosi di succorsi è di ricerca sò stati mandati sopralocu (spignifochi, gendarmi), è un pianu SATER (Sauvetage Aéro-Terrestre) hè statu missu in ballu. Ricerchi chì sò stati difficiuli par via di u gattivu tempu. I causi è i cunsiquenzi di ss'accidenti dramaticu sò scunnisciuti par avà.
Sur le même sujet
