Trois morts et trois blessés dans un accident de la route à Ghisonaccia
(A redazzioni d'Alta Frequenza) - C'hè statu un accidenti dramaticu ssa dumenica versu quattru ori è mezu di mani annant'à a cumuna di A Ghisunaccia, à a girata di u stagnu d'Urbinu, dopu à un inticciu di fronti trà dui vitturi. Bilanciu : trè morti è trè feriti gravi. A prima vittura era guidata da un omu solu, mentri chì a siconda cuntava cinqui parsoni di a listessa famighja. Mezi numarosi di succorsi, vali à dì una vintina di spignifochi è di gendarmi, sò intarvinuti sopralocu. I trè parsoni chì sò morti sò un omu di una trentina d'anni, una donna di una quarantina d'anni è un zitellu di deci anni. I trè feriti, chì soffrini di parechji fratturi, sò stati purtati in elicotteru o in ambulanza à l'uspidali di Bastia Falcunaghja. I circustanzi esatti di ss'accidenti dramaticu ùn sò ancu stati ditarminati.
Sur le même sujet
