Trois incendies détruisent une dizaine d'hectares sur la plaine orientale
(A redazzioni d'Alta Frequenza) - Trè fochi sò partuti ssu sabbatu dopu meziornu nant'à a piaghja urientali. U più impurtanti, partutu nanzi à 3 ori in Aleria, attizzatu da u ventu, hà distruttu 9 ettari di vegetazioni. Dui Tracker è un Pélican sò stati mubilizati, mentri chì parechji decini di spinghjifochi sò intarvinuti è ci l'ani fatta ad ammaistrà u sinistru versu 5 ori. Dui altri fochi sò stati arrighjistrati nant'à a cumuna d'A Ghisunaccia. Dui ettari sò stati parcorsi da i fiari. U sinistru hè ammaistratu dinò quì, mentri chì a circulazioni hè stata tagliata nant'à a RT10 duranti un bellu mumentu.
Sur le même sujet
