Triple meurtre de Bastia : une deuxième interpellation, l'usage d'armes à feu confirmé
Dopu à i trè micidii di luni à sera, in un alloghju suciali di u quartieri d’Agliani, in Bastia, è mentri ch’idda hè sempri trà vita è morti una quarta parsona, Jean-Philippe Navarre, u prucuratori di Bastia, hà fattu una cumunicazioni.
À senta lu, u pighjunanti ufficiali di l’appartamentu hè di i trè parsoni difunti, dui omini è una donna.
« Di circa quaranta anni d’età, i quattru vittimi erani cunnisciuti da l’auturità ghjudiziarii, è una trà quissi à mutivu d’usu di droghi. In tantu ch’iddi si facciani l’autupsii, à parta si da marcuri, a intarvinzioni di u medicu ligistu hà pirmissu di cunnoscia l’urigina di i micidii, vali à dì l’usu d’armi à focu ».
Una inchiesta hè stata aparta, à mutivu di micidii vulintarii, è i invisticazioni i facini i sirvizia di a DIPN è u sirviziu interdipartimintali di a pulizza ghjudiziaria di u Cismonti.
Dui parsonni, dui cunniscenzi di i vittimi, sò stati intarpillati è missi in guardia à vista.
Sò intesi è quistiunati da i sirvizia d’inchiesta.
Sur le même sujet
