Tribunal de commerce de Bastia : une année 2023 qui montre un tissu économique toujours convalescent
U tribunali di cumerciu di Bastia hà fattu a so riintruta in principiu di sittimana.
Hè l’ultima à fà si à u palazzu di ghjustizia, chì a prossima sarà in i so lucala novi di u viali Auguste Godin, spaziosi è muderni à tempu.
A ghjuridizzioni di rifarenza di i impresi rendi contu di a poca dinamica di u tissutu ecunomicu in Cismonti.
Par ciò chì tocca à i prucidimenti cullittivi, a crescita hè di 34 % in un annu, è ottu volti par deci, si tratta di liquidazioni ghjudiziarii diretti, senza passaghju mancu in ridrizzamentu ghjudiziariu.
Cù circa setti miliona d’ordini di pagamentu, sò tanti i impresi à essa vittimi di ciò ch’ùn l’hè statu pagatu.
Quiddi chì t’ani u più difficultà sò quiddi di i bastimenta è travadda publichi, tocchi à tempu da una calata di a cumanda publica è da una calata di i permessi di custruì.
Pà issu 2024, s’aspetta di veda s’idda sarà silizziunata, a cità di Bastia, pà riceva un tribunali di l’affari ecunomichi, cù cumpitenzi di più.
Steti à senta à Gilles Filippi, u prisidenti di u tribunali di cumerciu.
