Tri des ordures ménagères : la Corse doit faire plus d'efforts !
(A redazzioni d'Alta Frequenza) - Mezu bonu ! Eccu com'ellu si pudaria qualificà u bilanciu d'attività di u Syvadec, u Sindicatu di Valurisazioni di i Rumenzuli di Corsica, pà l'annata 2014. Hè statu prisintatu marti in Corti da u so presidenti, François Tatti, è da i so cullaburatori. Oghji, 249 cumuni facini parti oramai di u Syvadec, vali à dì 84% di a pupulazioni corsa, 99% di i Corsi t'ani accessi à u nivellu di a riciclaria è 62% di i rumenzuli chì ci sò sò valurizati. Altru sciffru pusitivu, quillu annant'à a pruduzzioni di rumenzuli par ogni abitanti, chì hè calata di 12% trà u 2010 è u 2014, ancu s'è no semi luntanu sempri di pettu à ciò chì si faci à u nivellu naziunali, eppo luntanu dinò da i scopi di -30% da quì à u 2020 è -50% da quì à u 2025. Cuncirnendu i punti neri, u più impurtanti tocca u scumpartimentu, chì hè calatu di 9% ; annu, guasgi 12 000 tunnellati di rumenzuli sò stati scumpartuti contr'à appena di più di 25 000 aspittati, è si custata dinò à ssu nivellu quì chì l'affari ùn movini più dipoi quattru anni. U sforzu devi essa fattu da ogni citadinu, ma dinò da certi cumuni chì ùn ni facini micca abbastanza, sicondu u presidenti di u Syvadec.
Steti à senta à François Tatti.
Sur le même sujet
