Très important départ de feu à Manso
(A redazzioni d'Alta Frequenza) - Ghjurnata senza rifiatu pà i spinghjifochi di Corsica Suprana, postu chì in mità di dopu meziornu ssu vennari, un focu novu assai impurtanti hè partutu in muntagna, nant'à a cumuna di Mansu. In un tempu assai cortu, sò guasgi sissanta ettari chì sò stati distrutti. Mezi umani impurtanti sò sopralocu, rinfurzati da Tracker. Un focu chì hà fattu passà assai fumu ver di i rifughji, cù un travaghju di privenzioni chì hè statu fattu pà ssi lochi carchi pà ssi mumenti di frequentazioni turistica alta. Faci chì a strada dipartimintali 81 hè tagliata par avà à a circulazioni. Da un'antra banda, stavolta in Altiani, trè fochi sò trattati in ssu mumentu, cù guasgi un ettari distruttu in tuttu.
Sur le même sujet
