Travaddadori di a notti : premier titre du groupe Vanguardia
U prughjettu Vanguardia hè natu à pena innanzi à a crisa llu COVID 19, cù una furmazioni corsa chì t’avia par ughjittivu di sviluppà una musica arradicata in i varii sunurità di u rock, è in lingua corsa ben’intesa.
I participanti à issu prughjettu affaccani dipoi u 2017 – in a furmazioni attuali – cù u nomu di VEON, ripiddendu uni pochi di gran’tituli di u rock com’è Bohemian Rhapsody di Queen – a videò hè in ligna – è di tanti altri gruppi stracunnisciuti com’è AC/DC, SteppenWolf, i Rolling Stones...
Da issa spartera artistica hè nata a vodda di fà criazioni uriginali.
Fattu u scontru cù l’edizioni « Parti des Oiseaux », eccu natu u primu discu, ch’isciarà di ghjunghju.
U finanzamentu, in parti, si faci via i cuntribuzioni à nantu à a piattaforma Ulule.
U primu strattu d’issu discu, « Travaddadori di a notti », amenta a vita è i passati di Marius Jacob, un parsunaghju pocu cunnisciutu da u publicu, ma chì a so vita saria ghjuvata à invintà ni tanti altri.
Steti à senta à Laurent Leandri, cantadori è musicanti di Vanguardia.
Sur le même sujet
