Transports maritimes : les séquelles du passé
(A redazzioni d'Alta Frequenza) - Ùn semi micca rispunsevuli di i mancanzi di u passatu ! Eccu ciò ch'ellu voli dì l'Uffiziu di i Trasporti, è soprattuttu u so presidenti dopu à l'annunziu fattu da u rapurtadori publicu di u tribunali amministrativu di Bastia cuncirnendu una somma d'89 millioni d'auri. L'UTC hà analizatu di manera fina a situazioni è stima ch'ellu hè vittima di una gistioni falsificata di u serviziu publicu. A Corsica Ferries, a ramintemi, avia intruduttu un'azzioni in u tribunali amministrativu par essa stata scantata da a cuncurrenza nant'à a dilegazioni di serviziu publicu 2013-2024. U rapurtadori publicu hà datu raghjoni à a cumpagnia marittima è a dumanda ferma di sapè oramai chì sarà a dicisioni difinitiva di u TA. L'Uffiziu di i Trasporti hà fattu appellu di ssa dicisioni, ma postu ch'ellu ùn hè micca suspensivu, l'arrigulamentu di ssa somma pari impussibuli à parà. Chì sò i mezi di difesa è di riazzioni di l'UTC di pettu à ssu novu imbrogliu ecunomicu è puliticu ?
Steti à senta à Ghjuvan Filici Acquaviva.
