Transports maritimes : la CTC dit oui à la subdélégation !
(A redazzioni d'Alta Frequenza) - L'Assemblea di Corsica hà aduttatu in principiu di dopu meziornu (vennari) a famosa deliberazioni annant'à i trasporti marittimi. L'intitulatu pricisu hè impurtanti parchì ogni parolla t'hà un sensu forti. Si trattava di "l'aduzzioni di u principiu di un'accettazioni di a missa in opara di una sottu dilegazioni pà a parti d'attività di serviziu publicu marittimu lacatu da a SNCM". Pà quilli chì ùn cunnoscini micca troppu u sughjettu, u vucabulariu pari difficiuli è un sforzu di vulgarisazioni pari dunqua nicissariu. Ramintemi chì u 10 di ghjunghju, u tribunali di cummerciu di Marseghja scigliarà u pruprietariu novu di a SNCM. A CMN, sola, ùn pudarà micca assuma tutta a dilegazioni di u serviziu publicu è duvarà dunqua renda à ssu pruprietariu novu a parti di u serviziu assicuratu fin'è oghji da a SNCM. Senza ssa dicisioni di l'Assemblea di Corsica, ss'azzioni ùn saria micca stata pussibuli, com'ellu a ci dici Paul Marie Bartoli.
Steti à senta à Paul Marie Bartoli, u presidenti di l'Uffiziu di i Trasporti.
Sur le même sujet
