Transition énergétique: la Corse court-circuitée
(A redazzioni d'Alta Frequenza) - Cunfarenza di stampa stamani (ghjovi) di l'associ Aria Linda è A Sintinedda chì lottani dipoi parechji anni contr'à i cintrali à u fuel. A legi annant'à a transizioni energetica, prisintata arisera da Ségolène Royal laca, d'appressu à l'associ, torna una volta a Corsica da cantu. In fatti, un arrestu di u 26 d'aostu di u 2013, integratu inde ssa legi, difinisci i limiti pà a Francia di u nivellu di ciò ch'elli righjettani i cintrali termichi. Sicondu quillu arrestu, a norma nova di 20 milligrammi pà metru cubu chì vali in Francia sana dipoi u principiu di l'annu s'appiecarà à a Corsica solu in u 2024. Una surpresa ancu più forti, a nova cintrali di Lucciana, chì hè stata lanciata chì hè pocu, t'hà un'autorisazioni pà righjittà quattru à cinqui volti di più, vali à dì 100 milligrammi, u nivellu di l'anziana cintrali o ancu di quilla di u Vazziu.
Steti à senta à Jean Nicolas Antoniotti, pà i dui associ.
Sur le même sujet
