Transfert des compétences et de son patrimoine protégé : une réussite ?
(A redazzioni d’Alta Frequenza) - U Salonu di u Patrimoniu Culturali chì s’hè tinutu duranti trè ghjorni à u Carrousel di u Louvres, s’hè compiu arisera. Issu salonu t’hà pà scopu di prumova i mistieri è i sapè fà ind’u duminiu di l’arti ; parmetti dunqua à l’artisgiani rinnuvatori di scuntrà clienti, publichi è privati, ciò chì rendii più faciuli a sinsibulisazioni nant’à l’impurtanza di a cunservazioni è a missa in valori di u patrimoniu. A CTC ci avia stallatu u so bancu è ci hè pussuta prisintà a mostra « La Corse à la croisée des chemins »… tema chì adunisci tutta a ricchezza è a diversità di u patrimoniu isulanu ind’a cità. Bisogna à rammintà chì u Statu hà trasferitu à a Cullettività di Corsica guasgi tutti i so cumpetenzi è u so patrimoniu pruttetu, una rispunsabilità maiò in materia di cunservazioni è di missa in valori ch’ellu ci voli dunqua à assuma. Issu trasferimentu s’hè fattu malgradu tuttu ind’i più boni cundizioni ?
Ecoutons Paul Giacobbi, président de l'Exécutif de Corse.
