Trafic de stupéfiants via les réseaux sociaux : un homme interpellé et condamné
A Dirizzioni Dipartimintali lla Saluta Publica di u Pumonti hà datu calchì pricisioni, par ciò chì tocca à a intarpillazioni d’un omu in lu quadru d’una inchiesta par trafficu di droga.
Dici a DDSP chì, u 31 di luddu, una squadra di u gruppu di Sicurità è Vicinanza d’Aiacciu hà intarpillatu un omu chì carriaia 30 bucciuleddi di cucaina (15,96gr), 18 sacchetti chjusi di pecia di canapu (141,79 gr) è 10 cumprimati d’ecstasy.
Missu in guardia à vista, avaria ricunnisciutu, à senta ni a pulizza, i fatti chì li sò rimpruvarati, spiichendu chì, u ghjornu stessu, una parsona cuntattata via Snapchat è Signal l’avia rimissu issa marcansia.
Li tuccaia dunqua à rivenda a robba pà issa parsona, è si duvia tena par iddu 10 % di i rivinuti purtati da issu trafficu.
Ghjudicatu subitu u 4 d’austu, hè statu cundannatu à 14 mesa di prighjunia, cù ottu mesa attimpati. A so pena hè stata accunciata via un braccettu elettronicu.
Sur le même sujet
