Tournoi de soutien à ELA: l'AC Ajaccio poursuit sa démarche solidaire
(A redazzioni d'Alta Frequenza) - I sculari di 3a di u Culleghju Fesch d'Aiacciu urganizavani stamani (ghjovi) una ghjostra di futsal ind'u cumplessu spurtivu Pascal Rossini, da pudè racoglia fondi pà l'associu ELA, chì lotta contr'à a leucodystrufia. "Mets tes baskets et bats-toi contre la maladie", eccu u slogan di issa manifestazioni à a quali ani participatu frà altru i ghjucadori è u staff di l'AC Aiacciu. À traversu à iss'uparazioni quì, u scopu era di sinsibulizà i ghjovani à issa malatia scarsa, chì tocca in Francia ogni annu più di 160 zitelli nant'à i 720 000 nasciti. Un'armunia cumpletta trà i ghjucadori è i sculari, aduniti inghjiru à una stessa causa. Si tratta quì di una azzioni nova in materia di sulidarità pà a casa "Rossa è Bianca", dopu à quilli rializati à prò di i "Restos du Cœur", o ver di i ghjovani di i quartieri difficiuli.
Écoutez Alain Orsoni, le président de l’AC Ajaccio
