Tests salivaires rapides : une nouvelle étude et des résultats plus qu'encourageants
Photo Sys2Diag
EasyCOv hè u nomu di a virifica cù u stuppu, missa à u puntu da un lavuratoriu di Montpellier, è chì dà u so risultatu dopu à 40 minuti.
Issa virifica t’hà a norma CE, hè aprudata bè in u mondu, ma micca in francia par avali.
A so pruduzzioni hè assicurata da u lavuratoriu Sys2Diag è u CNRS
Issu lavuratoriu, d’altrondi, hà publicatu unu studiu chì dici issa virifica sicura à 87 %. Eppuri, u guvernu ùn hà ancu giniralizatu u so usu, dendu u so favori à una virifica antigenica sicura à 60 %.
Franck Molina, ingigneri di ricirca, ùn capisci ch’iddu si trechi cusì : dici ch’issi virifichi rapidi sò una di i chjavi da caccià si da via u siscu.
Pudariani essa aprudati da i duttori in cità, da i infirmieri sculari, da i medichi di u sport, par fà visticheri in quantità, è sapè scantà l’aienti di manera sicura. Masimu chì, com’iddu a spieca u dirittori llu lavuratoriu, viaghjani bè ancu pà i parsoni chì segni di malatia ùn ani.
Issi prudutti, fatti in francia, poni essa distribuiti in gran’quantità, senza avè u pinseri di i fruntieri chì si chjudini.
Stemu à senta à Franck Molina, dirittori di ricirchi à u CNRS è dirittori di u lavuratoriu Sys2Diag.
Sur le même sujet
