Tests obligatoires pour venir en Corse
Sabbatu, u prifettu lla Corsica è a dirittrici di l’ARS ani fattu una cunfarenza di stampa, par prisintà i misuri novi presi da u statu francesu, à l’avvicinà lli vacanzi di Natali.
Pà a Corsica, è parvia lla ghjunta di parichji parsoni in iss’andana, sò stati accurdati dispusizioni spicifichi, tinindu ancu contu di l’evuluzioni lli virifichi.
Una virifica sarà dunqua d’ublicu imbarchendu in Corsica pà Natali, Capu d’Annu è dopu à u Capu d’Annu, par piddà in contu u periudu ch’iddu cova u siscu.
Ch’iddi sichini PCR o antigenichi, i virifichi ci vurrà à fà li trè ghjorna innanzi di vena in Corsica. Ma ùn ci sarà ublicu à prisintà li à u imbarcamentu : à i passaghjeri, di navi o d’avviò, li bastarà à fà veda un’attistazioni à i cumpagnii di trasportu.
Ci sarani i cuntrolli, è i falsi dichjarazioni pudariani custà caru à veru.
Iss’ublicu ùn tocca i ziteddi da suttu à 11 anni.
Steti à senta u prifettu lla Corsica.
Sur le même sujet
