Territorialisation de la TVA : Pas de quoi sauter au plafond pour P. Giacobbi
(A redazzioni d'Alta Frequenza) - Ùn hè micca calcosa di strasurdinariu ! Eccu u parè di Paul Giacobbi dopu à l'annunziu fattu ssu ghjovi di tarriturializà in parti a TVA. Ramintemi chì Manuel Valls hà annunziatu chì i regioni è a Cullittività Tarrituriali di Corsica t'avarani un trasferimentu di u pruduttu di a TVA in scambiu di a Dutazioni Glubali di Funziunamentu (DGF). Ramintemi dinò chì d'appressu à Ghjuvan Guidu Talamoni, si tratta quì di un trasferimentu di fiscalità dumandatu dapoi dicennii da u muvimentu naziunalistu, una dimarchja, hà dittu ss'ultimu, di rispunsabilisazioni è di dinamisimu fiscali. L'anzianu presidenti di l'Esecutivu di Corsica hà accoltu cù suddisfazioni ssa misura, tinendu quantunqua a muderazioni chì s'imponi.
Steti à senta à Paul Giacobbi.
