Territoriales : Paul-Félix Benedetti et Jean-Baptiste Arena lancent Core in Fronte
(A redazzioni d'Alta Frequenza) - Parechji centunai di parsoni ani participatu, ssa dumenica in Ponte Novu, à u lanciamentu di a campagna di Core in Fronte, via naziunalista alternativa à quilla di Pè a Corsica. Paul Félix Benedetti di u Rinnovu è Jean Baptiste Arena di Soffiu Novu ani dicisu d’apra a so iniziativa à parsoni ghjunti da a sucità civili, com’è Brigitte Artily, intraprinadori in u mondu di a cusmetica chì sarà siconda nant’à una lista prisintata da quì à una simana, o l’anzianu raprisintanti di l’Ordini di l’avucati d’Aiacciu, Jean Marc Lanfranchi. Un’iniziativa ghjirata pà daveru ver di a difesa di a nazioni corsa è a tematica suciali com’ellu a ci spiega u leader di a lista.
Steti à senta à Paul Félix Benedetti.
