Territoriales : Manca Alternativa, Ensemble et EELV pour une autre gauche
(A redazzioni d'Alta Frequenza) - Quandu u rossu raghjunghji u verdi ! Hè cusì ch'è no pudariami riassuma a dimarchja intrapresa, à l'uccasioni di l'alizzioni tarrituriali, da Europe Ecologie les Verts, A Manca Alternativa è u gruppu Ensemble. Ssi trè cumpunenti, frà i quali dui sò liati à u Front de Gauche, volini dà a so pusizioni pà ssi tempi di campagna eletturali. Ùn semi ancu à a custituzioni di una lista pà daveru, ma ss'altra manca t'hà una mansa d'affari à dì, prima à l'alittori è à a manca in particulari. Cambià a pulitica, purtà a trasparenza di a vita pulitica, dà torna a parolla à i citadini, custruiscia un prugramma cuuperativu è alternativu, falla finita infini cù a logica di u prufittu, eccu i ligni maiò difesi è sviluppati da a dimarchja VIA (Vulè, Imaghjinà, Agiscia).
Steti à senta à Jacques Casamarta.
Sur le même sujet
