Territoriales: le secrétaire national du PCF en Corse pour soutenir la liste Corse Insoumise-PCF
(A redazzioni d'Alta Frequenza) - C'era ssu ghjovi u prima meeting maiò di ssi tarrituriali, quillu di la Corse Insoumise è di u Partitu Cumunistu in Bastia, cù Pierre Laurent, secretariu naziunali di u Partitu Cumunistu ghjuntu da Parighji pà sustena a lista. Un sustegnu di primura quandu si sà à chì puntu Jean Luc Mélenchon hà righjittatu ssa lista d'unioni trà l'Insoumis corsi è i cumunisti. È s'ellu s'hè parlatu di u prugrammata, certi volti cù cunsiderazioni di più naziunali cà regiunali, ss'intarvinzioni di Jean Luc Mélenchon hè stata in menti à tutti. S'è Jacques Casamarta, u leader di a lista, hè statu abbastanza aciarbu cù Jean Luc Mélenchon, sprimendu una dillusioni sicura è forti à a tribuna, Pierre Laurent, pà contu soiu, ùn hà micca vulsutu entra di più inde a pulemicu, ancu s'ellu hà dittu torna tutta a legitimità di ssa dimarchja d'appressu à ellu. L'uccasioni di dumandalli u so sguardu nant'à u cuntestu di ss'alizzioni, è nant'à a pussibilità di un fronti republicanu contr'à i naziunalisti trà i dui ghjiri.
Steti à senta à Pierre Laurent.
