Territoriales : le PRG national appelle à voter pour Paul Giacobbi
(A redazzioni d'Alta Frequenza) - In un cumunicatu, u Partitu Radicali di Manca naziunali, senza surpresa, chjama à vutà Paul Giacobbi pà u sicondu ghjiru di l'alizzioni tarrituriali. "Di pettu à u periculu di i naziunalisti liati à l'indipendentisti è à a prugressioni di a strema diritta, u Partitu Radicali di Manca, raprisintatu à u primu ghjiru da Jean Zuccarelli, chjama à vutà pà a lista purtata da Paul Giacobbi pà u sicondu ghjiru di l'alizzioni tarrituriali 2015 in Corsica". U PRG priciseghja chì "quissu quì hè u solu candidatu capaci d'aduniscia i republicani è i prugressisti Corsi inghjiru à un prughjettu cumunu pà l'avvena di a so isula".
