Territoriales : José Rossi a présenté sa liste
(A redazzioni d'Alta Frequenza) - José Rossi hà prisintatu ssa dumenica in Aiacciu a lista d'unioni Les Républicains - UDI - CCB, José Rossi 2015, ch'ellu purtarà pà l'alizzioni tarrituriali di u mesi di dicembri. A vulintà pà u capimachja di ssa dimarchja di una raprisintazioni à paru trà Pumonti è Cismonti. A numaru 2 di ssa lista, micca troppu cunnisciuta à dilla franca, hè u merri di Tagliu Isulaccia, Marie Thérèse Mariotti. Suvitani inde l'ordini u diputatu è merri di Biguglia Sauveur Gandolfi Scheit, a cunsighjera tarrituriali Marie Antoinette Santoni Brunelli, u diputatu è merri d'Aiacciu Laurent Marcangeli, a cunsighjera municipali bastiaccia di diritta Marie Pierre D'Ulivo è u patronu di l'UDI inde l'isula Jean Toma. Una lista fatta pà guadagnà, sicondu José Rossi chì hà sceltu com'è slogan "La Corse à plein temps", è chì voli raghjunghja quilla di Camille de Rocca Serra, l'altra iniziativa à diritta, à l'uccasioni di u sicondu ghjiru pà inghjinnà l'alternenza è "falla finita cù u sistema Giacobbi". Pudareti ritruvà l'intervista di José Rossi à partasi di luni da mani ind'i nostri nutiziali sfarenti.
