Territoriales : Jean-Martin Mondoloni mène la charge contre la majorité nationaliste sortante
(A redazzioni d'Alta Frequenza) - Vennari, c'hè statu u meeting di Jean Martin Mondoloni in Bastia pà a lista A Strada di l'Avvene. Nè bandera corsa, nè bandera francesa nant'à a scena, solu idei di un candidatu chì dici forti ch'ellu hè à "100% corsu è à 100% francesu". Di fatti, cù i so cumpagni, hà multiplicatu i critichi contr'à a maghjurità naziunalista attuali, cù una casa chì t'avaria solu calchì finestra di cristallu. Jean Martin Mondoloni hà criticatu u PADDUC, "bibbia di 9 000 paghjini" è l'impussibilità ch'ellu inghjinnaria in tarmini d'accunciamentu di u tarritoriu. Eppo ci sò stati attacchi piuttostu ideulofichi, prima cù Marie Thérèse Mariotti pà quali c'hè "un tempu pà a sparienza, eppo un tempu pà a raghjoni", attacchi prulungati da Jean Martin Mondoloni chì hà dittu chì "s'ellu ùn si sà micca induva andà, si sà induv'ellu ùn si voli micca andà", u capimachja dicendu ch'ellu voli "arradicà a Corsica ind'a Republica Francesa", è fendu pocu misteri nant'à a cunvergenza di parechji listi trà di i dui ghjiri.
Steti à senta à Jean Martin Mondoloni.
