Territoriales : Jean-François Baccarelli a officialisé sa candidature
(A redazzioni d'Alta Frequenza) - Dopu ch’ella fussi stata scurdata a pruposta d’unioni di a manca eculugista, chì ùn hà micca avutu un ribombu significativu, Jean François Baccarelli, senza surpresa vera, hà ufficializatu a so candidatura pà l’alizzioni tarrituriali. S’è a so lista hè sempri in traccia d’essa custituita, quissu quì t’hà dighjà, com’è duranti l’alizzioni scorsi, u sustegnu di l’Allienza Eculugista Indipendenti di Jean Marc Governatori. Par avà, Jean François Baccarelli, chì avia racoltu 1,84% di i voti in u 2010, t’hà diciottu pruposti in a tematica di l’eculugia è di l’ambienti, chì cuncernani una siverità più forti di a legi liturali, ma dinò a criazioni d’impieghi verdi, à mezu ad altri idei. Un candidatu eculugistu, ma micca solu, postu ch’ellu teni pusizioni assai secchi annant’à u cartulari di l’imigrazioni, ancu pà ciò chì tocca a dumanda di l’uppurtunità di l’accolta urganizata di rifughjati siriani.
Steti à senta à Jean François Baccarelli.
Sur le même sujet
