Territoriales : Jean-Charles Orsucci et François Orlandi en marche sans plus attendre
(A redazzioni d'Alta Frequenza) - Ss'ultimi ghjorni, Emmanuel Macron sarà statu sirvutu cuncirnendu u cartulari corsu chì ùn hè mancu appena faciuli par ellu. Mentri chì i so ministri ani cunnisciutu discussioni piuttostu difficiuli cù l'eletti isulani cuncirnendu i risorzi di a Cullittività Unica, i cunsighjeri di u partitu di a so maghjurità prisindinziali, La République en Marche, sò stati appena strampalati ind'a so gistioni di u cartulari di i tarrituriali. Mentri ch'ellu paria chì Jean Charles Orsucci avia da purtà a lista LREM à i tarrituriali, cù François Orlandi à u terzu postu, una parti di l'istanzi parighjini hà cuntattatu l'anzianu rettori di Corsica, Michel Barat, pà pruponali u prima posta di a lista ciò chì ùn li dispiaciaria micca. Dopu à i legislativi induva La République en Marche hà fiascatu in Corsica, u cartulari di i tarrituriali ùn parti micca di a più bella manera. Eppuru, Jean Charles Orsucci è François Orlandi ani dicisu di cuntinuà à marchjà è di lanciassi ind'a campagna, senza aspittà a benedizzioni parighjina chì pò ghjunghja torna, cù dui parolli maestri : autunumia è apartura.
Steti à senta à François Orlandi.
