Territoriales et situation de la droite : le regard de Jean Baggioni
(A redazzioni d'Alta Frequenza) - S'ellu ùn hè più annant'à a scena pulitica attiva è s'ellu ùn cerca micca un mandatu novu pà i tarrituriali chì venini, ùn impidisci micca Jean Baggioni, chì hè statu duranti un tempu longu unu di i maestri di a diritta in Corsica è chì, tempi fà, hè statu presidenti di l'Esecutivu di Corsica, d'impignassi. Quillu chì hè statu duranti dicennii u merri di E Ville di Petrabugnu hà sceltu di sustena a candidatura di Jean Martin Mondoloni. Aldilà di ssu sustegnu, Jean Baggioni, prisenti duranti a riunioni maiò di a diritta a sittimana scorsa in Corti, porta dinò un sguardu propiu pricisu annant'à l'attualità di a so famighja pulitica è soprattuttu annant'à a lotta di i capimachji in Corsica Suttana, o annant'à a sparizioni guasgi di u currenti liberali in Corsica Suprana.
Steti à senta à Jean Baggioni.
Sur le même sujet
