Territoriales : entretien avec Marine le Pen, venue soutenir la liste Front National
(A redazzioni d'Alta Frequenza) - Ssa dumenica, Marine le Pen era in Corsica pà sustena a lista Front National purtata da u merri di Prunu, Charles Giacomi. Dopu un passaghju in ssu paesi, cù cuntistazioni forti di calchì abitanti, hè andata à a mediateca di i Fulelli, senza passà pà a tappa di u marcatu di u paesi par ùn ritruvassi micca davanti à un cumitatu d’accolta piuttostu negativu, mentri chì ci sò stati scrizzioni nant’à a casa cumuna di i Fulelli duranti a nuttata. Una mediateca induv’ella hà tinutu una cunfarenza di stampa pà ramintà chì u FN vedi l’avvena di a Corsica ind’a Republica Francesa, è solu ind’a Republica Francesa. Mittendu in avanti u prublema di a ruralità, in periculu d’appressu à ella, Marine le Pen t’hà pocu spiranzi pà a Camara di i Tarritorii, cù una manera di sceglia « degna di a Curea di u Nordu » d’appressu à ella. Dinò, a candidata chì hà persu l’ultima prisidinziali hà fattu sapè chì u FN ùn participaria micca à un’unioni di i forzi d’uppusizioni à u naziunalisimu à u sicondu ghjiru.
Naziunalisti chì si sbagliani largamenti inde a so analisi di a situazioni, d’appressu à Marine le Pen.
