Territoriales : Camille de Rocca Serra et José Rossi fusionnent
(A redazzioni d'Alta Frequenza) - Hè senza surpresa chì i dui listi di diritta, purtati da José Rossi è Camille de Rocca Serra, facini una fusioni in u quadru di u sicondu ghjiru di l'alizzioni tarrituriali. José Rossi è Camille de Rocca Serra si sò scuntrati ssu luni dopu meziornu in Aiacciu, prima di truvà un accordu. Ssa lista, chì si chjama "Le Rassemblement", t'hà com'è vucazioni di purtà i culori di a diritta riunificata pà ss'alizzioni. José Rossi hà dichjaratu ssu luni à sera chì a so famighja pulitica t'hà torna pussibilità impurtanti pà prugressà pà ssu sicondu ghjiru, par asempiu ind'è quilli chì ùn ani micca vutatu.
Sur le même sujet
