Tepscan : les patients attendent cet indispensable outil
Via una cunfarenza di stampa di Cori in Fronti, suvitata da una quistioni urali à l’assemblea di Corsica, si hè parlatu di u TEPScan.
St’arnesu hè di prima impurtanza in u diagnosticu è l’ussirvazioni di i cancari, è a Corsica hè a sola righjoni à ùn avè ni.
U duttori Samuel Burg, di u spidali di Castillucciu, in Aiacciu, dici chì u prughjettu l’ani avanzatu bè i prufiziunali, è hè aghjà pusiziunatu in un partinariatu publicu-privatu trà Aiacciu è Bastia.
Eppuri, dipoi dui anni, i malati corsi aspettani sempri di pudè prufittà d’issu sirviziu.
Sò 4 000 à avè ni bisognu, ma ùn sò chè 2 000 à mova si ni in cuntinenti à fà i so asamina.
Quidd’altri, tandu, si perdini calchì pussibilità di trattà si.
Steti à senta u duttori Burg.
Franck Andarelli hè u dirittori di u GIP di midicina nuclearia di u spidali di Castillucciu. Dà cunfirma ch’iddu hè statu appruntatu bè, issu prughjettu, à ugni tappa.
Tocca avali à cunvincia i pulitichi di fà lu sbuccà à veru, chì a so utilità cullittiva, nimu a pò nigà.
Steti à senta à Franck Andarelli.
Sur le même sujet
