Tentative d’homicide à Sartene : début de l'enquête
(A redazzioni d'Alta Frequenza) - Paul Dominique Nicolai, chì t’hà una cinquantina d’anni, hè statu feritu da balli stamani (luni) in Sartè. I fatti sò accaduti nant’à u parking di un picculu supermarcatu, ind’u centru cità. A vittima, presa in carica subbitu da i succorsi, hè stata traspurtata à l’uspidali d’Aiacciu. A so vita ùn saria micca in periculu, sicondu a prifittura di Corsica. Hè a gendarmeria di Corsica Suttana chì hè stata incaricata di l’inchiesta. Da nutà chì una vittura brusgiata hè stata ritrova vicinu à i lochi di i fatti. L’inchiestadori pensani chì ssu veiculu pudaria essa statu utilizatu da u o i malfattori.
