Tennis (Wimbledon) - Laurent Lokoli battu sans démériter par Casper Ruud
Photo : Facebook Laurent Lokoli
Luni dopu meziornu, Laurent Lokoli hà ghjucatu u primu ghjiru lla ghjustra finali di Wimbledon contru à Casper Ruud, u quartu lla classifica mundiali.
Ùn era po’ un rigalu pà u bastiacciu, ch’ùn avia u favori llu prunosticu.
Ma Laurent Lokoli si hè difesu cù rabbia è fiertà.
Dopu à una prima mani persa bè, cù un marcu di 6 à 1, si hà vintu a siconda cù un marcu di 7 à 5.
Si hè pinsatu un mumentu chì u corsu avia da pudè dà calchì pinseri à u nurvighjesu, ma u quartu ghjucadori mundiali hà ripresu prestu fiatu, vincindu i dui altri mani, 6 à 4 è 6 à 3.
Malgradu issa disfatta contru à unu di i tarcani di u tennis attuali, Laurent Lokoli pò essa fieru di u so parcursu in Wimbledon.