Taxe GEMAPI : un casse-tête pour le Cap Corse
(A redazzioni d'Alta Frequenza) - À mezu à l'invitati di a prima riunioni di u cumitatu di pilutami di a GEMAPI in a Cumunità d'Agglumerazioni di Bastia, c'era a cumunità di cumuni di Capicorsu, raprisintata da u merri di Siscu, Ange Pierre Vivoni. È d'appressu à ellu, l'asempiu di u Capicorsu faci spuntà tutta a difficultà di u trasferimentu di cumpitenza di u Statu ver di i cumuni è l'intercumunalità pà a gistioni di u risicu inundazioni. In fatti, d'appressu à ellu, l'investimenti pà securizà i cumuni di Capicorsu sarani cusì impurtanti chì l'impositu GEMAPI, ancu à u so nivellu u più altu cù a crescita cunsiquenti di l'impositi lucali ch'ella significaria, saria solu un impiastru nant'à una ghjamba di legnu in tarmini di finanziamentu.
Steti à senta à Ange Vivoni, assai inchietu.
