Tatti-Sanguinetti: une alliance pas piquée des vers
(A redazzioni d'Alta Frequenza) - L'infurmazioni ùn ghjunghjia micca da u situ famosu A Piazzetta, emi verificatu, ma Europe Ecologie les Verts hà bè dicisu d'uniscia si cù François Tatti duranti l'alizzioni municipali à vena in Bastia. Ci vularia à dì piuttostu Julia Sanguinetti parchì u cumunicatu diffusatu eri dopu meziornu (luni) da parechji militanti di u muvimentu laca spuntà certi dubbiti nant'à a leghjitimità di a dicisioni ritinuta. In fatti, Alfonsi Monique, Allegrini Marie Madeleine, Babin Hélène, Emmanuelli Pierre André, Fauconnier Denis, Fauconnier Marie Antoinette, Graziani Jean, Laredo Norbert, Sabiani Chantal, Simonpietri Agnès, Tramoni Francine, sò "surpresi d'amparà chì un'unioni s'hè fatta cù François Tatti à l'uccasioni di l'alizzioni municipali di Bastia". François Tatti, par elli hè à l'uppostu di l'idei purtati da Europe Ecologie Les Verts; è di cità : l'incineradori, u ruminzulaghju di Cervioni, u sustegnu à a sclassifica di zoni prutetti (Piana,Arone), u ricusu di vutà u statutu di cuufficialità di a lingua corsa, l'uppusizioni à l'avanzati istituziunali (u statutu di residenti par asempiu) è l'affirmazioni di un ghjacubinisimu rivindicatu. È u listinu ùn hè micca sanu. Norbert Laredo, militanti eculugistu "storicu" ben cunnisciutu ci dà u so parè nant'à una situazioni appena scema.
Ecoutez Norbert Laredo.
Sur le même sujet
