Tallone, c’est fini !
(A redazzioni d'Alta Frequenza) - Tallone, hè finita ! In leia cù l'arrestu prifetturali, u ruminzulaghju di Tallone hà sarratu pà sempri i so porti stamani (marti) à ondeci ori è mezu. A famosa usina di trattamentu meccanicu è biologicu chì duvia essa custruita sopralocu duvaria aspittà torna mesi longhi. In fatti, u parmessu di custruiscia hè statu attaccatu à u tribunali amministrativu è ssa suluzioni alternativa ùn pudarà dunqua micca essa missa in ballu. Prublema : induva s'ani da metta i rumenzuli chì fin'è oghji ghjunghjiani à più pudè ogni mani in Tallone ? A dumanda ferma posta è a zerga hè maiò, par asempiu ind'i cumuni induv'elli ci sò ruminzulaghji in reguli, vali à dì in Vighjanellu, Vicu è Prunelli di Fium'Orbu. Pà Christian Orsucci, a sarratura di ssu ruminzulaghju hè piuttostu calcosa di bonu, parchì tuttu hè statu fattu da fà chì i cunsiquenzi annant'à l'ambienti sighini i menu impurtanti pussibuli.
Steti à senta à Christian Orsucci, u merri di Tallone.
Sur le même sujet
