Le Direct

SYVADEC : Laurent Marcangeli très satisfait d'avoir participé à la victoire de Georges Gianni

Marti, hè statu elettu u prisidenti llu SYVADEC. Erani prisenti guasgi tutti, i 105 riprisintenti di l’intercumunalità, ciò chì dà a misura di a impurtanza di iss’alizzioni.

Da piddà u seguitu di i tredici anni di prisidenza di François Tatti, hè statu elettu cù 62 vota u merri di Leci, Georges Gianni. Hè statu beddu sustinutu da a CAPA è da Laurent Marcangeli. Guy Armanet, u merri di Santa Maria di Lota, sustinutu da Femu a Corsica, si hà buscu 42 voti.

Certi, masimu ind’è quiddi di Femu a Corsica, indittani, di manera più o menu chjara, u pesu di u merri d’Aiacciu, Laurent Marcangeli, in a ghjunta di Georges Gianni à a prisidenza llu SYVADEC. Hè vera chì cù i so 26 vota,  hà cuntatu à veru a CAPA in l’alizzioni llu merri di Leci. Era sustinutu da Laurent Marcangeli, è si dici chì u merri d’Aiacciu era beddu impignatu in issa campagna. Certi vidini d’altrondi cù issa vittoria pà u SYVADEC a prima stunda d’un’uppusizioni firoci trà Gilles Simeoni è Laurent Marcangeli, chì pudaria fà si strema di marzu, pà i tarrituriali.                                     

Ma chì ni sarà à veru ? Ci rispondi Laurent Marcangeli.