Syndicalisme aux CFC: des changements et des mises au point
(A redazzioni d'Alta Frequenza) - A CGT di i Camini di Farru di a Corsica hà vintu calchì ghjornu fà l'alizzioni prufiziunali chì sò stati urganizati nentru à l'intrapresa. Annant'à i 12 sedii pà i salariati ind'u cunsighju d'amministrazioni, 9 sò stati buscati da a CGT, è 3 da u STC. Rammintemi chì u sindicatu maghjuritariu fin'è tandu ind'è i CFC era u STC, chì hà persu dunqua u so leadership inde l'intrapresa. Emi intrapritatu ssa disfatta ind'è i CFC com'è una cunsiquenza di i sfarenti di puntu di vista forti ind'u STC, è ferma solu u nostru parè. Pà ciò chì tocca à ssu parè, ind'un cumunicatu ghjuntu ind'a nostra redazzioni, u STC di i CFC stima chì "u risultatu di l'alizzioni prufiziunali ind'i Camini di Farru di a Corsica hà nisun leia cù i sfarenzi di puntu di vista ind'u STC naziunali". U sindicatu voli dì dinò ch'ellu ùn hè micca statu un tempu longu ind'è i CFC, ma solu dipoi u 2010.
