Sulidarità dénonce une nouvelle vague de répression
(A redazzioni d'Alta Frequenza) - Ssa dumenica, l'Associu Sulidarità urganizava una cunfarenza di stampa in Aiacciu pà dinunzià un accanimentu riprissivu novu. "A scuparta di stallazioni di spia d'alta tennulugia sunora in casa à un militanti [...] cunfirmeghja a cuntinuità di l'accanimentu chì u tocca". "Ssu gennaru di dispusitivu ùn hè micca statu scupartu solu ind'è membri di a so famighja, ma sistemi di u listessu tippu sò stati trovi inde lucali cumirciali, aparti à u publicu è chì appartenini à parsoni ch'ellu cunnosci". Un membru di l'Associu Sulidarità hè dinò cuncirnatu da ssi pruceduri. Sulidarità temi chì a Corsica sighi un laburatoriu di sperimentazioni pà a legi futura annant'à u rinsignamentu. Chjama à a mubilisazioni a più larga pussibuli di a Corsica è di i Corsi. Di più infurmazioni è l'intervista di Ghjuvan Maria Poli da ritruvà ind'i nostri edizioni di luni, à partasi di setti ori è mezu.
